【港爸呻無份供樓又怕無屋住】外母幫付首期 妻供樓再立遺囑歸娘家 網民狂寸：軟飯王發作
置業是港人夢寐以求的人生目標，但有人「靠外母上車」，最後卻為物業歸屬問題鬧出家庭風波。近日一名港爸在社交平台抱怨，指岳母幫忙支付首期、太太獨力供樓，怎料太太竟立下遺囑，若自己離世，單位將全數歸回娘家。港爸擔心屆時自己與兒子被逐出門外「瞓街」，但帖文一出即被網民圍攻，狠批他「軟飯食到出汁」。
點撃睇更多網民意見︰
▼點擊圖片放大
岳母出首期 太太供樓一腳踢
該名港爸於Facebook群組「同住奶奶好惡頂自由討論區」發文稱，他與妻子現居的單位首期主要由岳母支付，而供樓部分全由妻子負責。二人育有一子，原以為婚後生活穩定，未料妻子與父母商討後，打算立下「平安紙」，規定若自己不幸離世，物業須歸還父母名下。
港爸坦言得知後「心入面唔舒服」，直言擔心一旦妻子有事，他與兒子會被要求搬走，「到時我哋咪要搵地方瞓？會唔會要瞓街？」他又質疑：「外母出首期，我老婆供樓，咁都要全部歸番佢哋？」
網民反擊：未出一蚊都想分
帖文曝光後，留言區幾乎一面倒炮轟港爸厚顏，有人諷刺：「外母幫你上車仲要呻？」、「真係軟飯王上身！」、「未出一毫子都想分樓？」。也有網民替妻子抱不平：「嫁錯人真係慘！」、「咁樣講說話，根本唔係擔心老婆，係驚冇得住！」、「老婆死都未死就諗遺產，仲講得出口？」
不少人指出，妻子與父母的安排只是為保障家庭資產，屬合理做法；反觀港爸「貪住屋」的態度令人反感。
有網民總結一句：「呢啲男人唔係驚瞓街，係唔甘心冇得白住！」
