【炎明熹正式離巢】自組公司迎新開始 笑言不怕「封殺」
20歲的炎明熹（Gigi）曾被視為 TVB 近年重點力捧的「金蛋」。不過，由於續約談判未能達成共識，她自 2024 年 4 月起便被雪藏超過一年，缺席台慶等大型場合。直至 2025 年 9 月底，隨着合約正式屆滿，無綫已在官網藝人資料庫中刪除她的檔案，意味雙方合作正式劃上句號。
炎明熹狀態大勇。（陳順禎攝）
📍 新身份亮相
今日（29 日），炎明熹現身香港東九文化中心，出席原創粵語音樂劇《一束光——高錕的記憶》記者會。對於重啟事業新篇章，她接受訪問時直言：「其實同無綫合約已經完成，我自己開咗間公司，公司叫『然后』，兩日前先成立，加埋我一共四個人。至於未來，我都歡迎唱片公司搵我合作，因為都唔知呢間公司會做幾耐，哈哈！」
心情不俗。（陳順禎攝）
📍 談自由與限制
被問到是否覺得「跳出 TVB 更自由」，炎明熹笑說：「我本身都好自由，冇咩約束，只係方向唔同，所以未必合得來。其實同無綫嘅關係冇問題。」
不見TVB咪牌。（陳順禎攝）
📍 回應「封殺」傳聞
對於外界憂慮她可能被封殺，炎明熹語帶幽默回應：「如果真係要封殺我，就畀佢哋封殺囉！」
至於能否再唱以前在 TVB 發佈的歌曲？她承認或需再溝通：「應該會有啲困難，但我相信傾過會好啲。不過暫時仲未有需要唱返啲歌，所以未傾到。」
至於是否仍有「塵封歌曲」未推出？炎明熹顯得有點模糊：「好似有，但又好似冇，我唔太記得，但印象中好似有。」
炎明熹今日出席原創粵語音樂劇《一束光——高錕的記憶》記者會。（陳順禎攝）
