【港鐵頭等車廂頻現逃票 職員即場開罰單！網民齊撐：罰得好！】
搭港鐵東鐵綫想坐頭等車廂，不單止入閘要拍卡，還要額外「叮」一次付車資。不過近日網上流傳多張圖片，顯示有人疑似「扮唔知」冇付錢就走入頭等車卡，結果被港鐵職員巡查時當場揭發，遭罰款。有目擊者指，當時有六、七人被查出未有支付頭等費用，雖然有人辯稱「行錯車卡」、「唔記得拍」，但通通難逃罰單。有網民直言：「港鐵查票查得好，呢啲人就係唔罰唔知醜。」
乘搭港鐵東鐵綫頭等車廂，須再拍卡支付車資。（資料圖片）
多人「中招」現場被揭發 聲稱「唔記得拍卡」
有市民日前在社交平台Threads上載兩張相片，並表示乘搭東鐵綫頭等車卡時，親眼見到至少六、七人因未有付款而被職員截查。他寫道：「好少會稱讚港鐵，今次真係做得好。」
從其中一張相可見，頭等車廂內有三名港鐵職員正在逐一檢查車票，其中一人手持疑似罰款通知單。另一張照片則拍到幾名被截查的乘客，包括長者、中年人甚至年輕女生。
樓主補充，有些乘客一被發現沒付費，即刻解釋是「行錯車卡」、「唔知道頭等要畀錢」、「唔記得咗」，但他認為這些只是藉口，「明知要畀錢都唔畀，唔想畀就唔好坐！」
東鐵頭等車廂內有至少3名港鐵職員在查票，其中1名職員手持相信是罰單紙張。（Threads@micleung_15）
東鐵頭等車廂有至少3名港鐵職員查票。（Threads@micleung_15）
網民拍手叫好：朝早晚黑都一堆人「偷坐」
事件引起不少網民共鳴，很多人力撐港鐵嚴查：「我支持查票，最好日日查，密密查」、「好多金鐘上車嘅人都唔拍卡就衝入去坐」、「羅湖返市區，夜晚特別多」、「九龍塘成日捉人，一早有啲人會係大圍撳掣轉番普通卡閃避」等等。
更有網民分享聽過小朋友提醒父母要拍卡，但竟被家長喝止：「你唔好多事啦，坐得就坐啦」，令不少人直呼荒謬：「細路反而識規矩，啲大人就扮冇事。」
不過也有聲音認為，不應對所有人太嚴苛：「有啲人真係唔記得，唔係刻意逃票」，又有網民表示：「其實頭等有存在價值，繁忙時間提供多個選擇，唔好因為啲人亂咁坐就取消。」
根據港鐵網頁，未持有效頭等單程票或持有未取得頭等確認的八達通乘坐頭等，須繳交附加費，費用為1,000元。（資料圖片）
未付費乘坐頭等車卡 或遭罰款$1,000
根據港鐵規定，任何未持有效頭等單程票或未在八達通確認頭等收費，卻乘搭頭等車卡的乘客，一經查獲需即時繳交1,000元附加費。港鐵表示會不定時進行抽查，呼籲市民切勿以身試法。
